خلّينه نِعلنهه حَرب
غِشّمه وبِدّو بوْس إِببوس
ماريد حرب البارده
الخزرج شنو وشنهو الاوس
يوم البسوس نجدده
حدر الحدر خلنه نحوس
استعمرني چاشنهي الوطن
ماكو وَطّن مامدّيوس
سلاحك خطّر من ياجهه
يهتك هتك بالنّاموس
كل يوم حفّلات النصّر
ذَلّ الغَرّب ذَل الرّوس
العب حبيبي بساحتي
مُغرّم تراني ومهووس
تدريني بيك مسودنه
وانته الحرز للمسوس
جَنّه ومواسمهه وَرّد
مني ابد ما ميؤس
عندي مناحل من عسّل
چا شلّك بِعرّْگ السّوس
زَمزم ودجله شفايفك
ارشف رشف موبس بوس
الساني سَددّته سَهم
لشفايفك خلهن قوس
واحرثني بچفوف الهوى
كطع الورد مو بالفوس
وانزل بهيده لميسمي
نَدّي الجذّر واحيي الكوس
خَلّيلي كل اصبع وتر
يتمرّجح ويه الناقوس
رَجّْفِني رَجْفات الفرّح
ثير اِلزَّهو البطّاووس
ورَعشِني حَد كَطع النفس
خنجر غَدّر ظل مَغرّوس
هزهزني مو راج الثّمر
رَبةّ حِسْن ياڤينوس
واغفى عله عزف مناشغي
رمشة حِسنْ بالفانوس
ضَِوِّكني كل فوضى العشگ
عِلمك عِلمْ ما مدروس
ودَوّرني شوف بيا سمه
طيف وتهت بالفردوس
اتبادل اوياي المنفعه
مقايض ترى ماكو فلوس
خَسّران رايد ِتنسّحب
حَظّي حلو ما منحوس
غيرك يتاني فُرصِته
بعده الهدف ما مَجيوس
بعده الهدف
بعده الهدف
مامجيوس
عبد الكريم صالح العامري
اميركا پنسلڤينيا
تنويه: جميع المقالات المنشورة تمثل رأي كتابها فقط