شعر شعبي ,,,جيل الصاعد

جيل الصاعد

٠٠٠

حلّوه عيونچ

لا لا

لتلبسّين النظّاره

خلّي الّلون البيهن

يحچي اسرّاره

ليّل

وبحّر

وكهّرب

يا ساحر نختاره

حلّوات وليش تحجبيهن

خلّي العاشِگ يبّحر بيهن

يرّسي اعله ضّفاف النجمات

مسافِر وشرّاعه الصّفنات

عاشِگ

والعاشگ

يتسله بناره

٠٠٠

تحيّي وتكتل

عين الخَضّْره

واحه

وانه الضّامي

بصَحرّه

اشّگد تلوگ

بوجه السّمره

حِسْن المشّرق ما ينحد

بلون المغّرِب يِضّوي الخَد

الورّد يذَبّل من ينجاس

وانته تْوَرّد من تنباس

اَدْخل جَنّتك يمته

اطّيني بشّاره

انطيني بشاره

٠٠٠

قادرّ ربّي

ومبّدع وحده

ما موجود

الفّن العِنده

دِجله شفافك

واِحنه بشده

بكل ضحكه تبهذّلي الحال

من تصير الغمّازه هلال

والله يجَنّن جيل الصّاعد

نغازل گالّن جَدْ اوّ والد

متصابي شماله

انجن بغمّزه وشاره

حلّوه عيونچ لا لا لا

لتلبسّين النظّاره

عبد الكريم صالح العامري

اميركا پنسلڤينيا

تنويه: جميع المقالات المنشورة تمثل رأي كتابها فقط
Read our Privacy Policy by clicking here