عتاب صبّة لأبو الصبّات
احمد كاظم
صبّة و شلتني يا حيف ابو الصبّات صبّة وشلتني
يل ما ردتني تكسر ضلوعي ليش يل ما ردتني
ليش شمرتني بين الزبل و الطين ليش شمرتني
مو آني عشت وياك عيشة هنية
سنين و مضت و ياك يم (الزويّة)
احلم بابو الصبات ليلي و نهاري
بلكت يجي فد يوم طال انتظاري
خان العهد يا ناس الله يجازيه
باع النفط ببلاش يا هو اليعزّيه
و اهل النفط يا ناس تشرب مطيّن
لكن ابو الصبات يشرب مسلفن
اسمك كذب فعلك كذب كلّك كذب
تنويه: جميع المقالات المنشورة تمثل رأي كتابها فقط