للصبر حدود يا ولد الخايبة
احمد كاظم
كافي نحيب و صبر تعدّينه صبر ايوب
ننتظر منهم فرج ننفخ طبل مثقوب
النفط نهبو نهب و الكهرباء معطوب
و الماي طعمه زفر و ريحته عفنة
سد الخشم و العين لتصيبك الصفنة
نستاهل الضيم و الظلمة مع الدفنة
لصوص الرئاسات الثلاث ميهم معطر
ليشربه عينه تنام و روحه تسكر
نهب النفط و المال مسلفن مدستر
و احنه نريد الفرج من هالحرامية
ناسين مهنة النهب اصبحت رسمية
كافي نحيب كافي صبر ثورة حقيقية
تنويه: جميع المقالات المنشورة تمثل رأي كتابها فقط