كل بشر مره يعيش ابها الحياة
عباس طريم
__
كل بشر مره يعيش ابها الحياة
مره وحده وينتهي ويرحل
خلص
+
فرصه وحده انطانه رب العالمين
وابد ما انطه العبد ,عدة
فرص
+
فصل اباياته احكام الحياة
وعن وجوب العدل والانصاف
نص
+
هدد الباري جميع الظالمين
وذكر عن الظلم ايات
اوقصص
+
ليش ما نتعض وانعيش ابسلام
بالتساوي, اونبتعد عن
الحصص
+
ليش زاد الظلم عند المسلمين
وليش عد باقي عباد الله
نقص
+
بالنزاهه وبالشرف , وصه الرسول
وباليتامه والارامل
بالاخص
+
وعمر , اكد عالعدل بين الجميع
وعالتساوي بين خلك الله
حرص
+
وعلي , ساوه بين كل المسلمين
ورص صفوف العرب والاسلام
رص
+
اليوم ياهو ينصبوه اعله العباد
للاسف , بالتالي يكتشفوه
لص
+
اتشوفه باع الذمه والحس والضمير
وعله اجروح الشعب وهمومه
ركص
+
واخذ سجينه وحلف اكبر يمين
يوهك ابشعبه صباحه وليله
كص
+
وباك ما موجود من خير العراق
وخله شعبه اتكول ,عصفور
ابقفص
+
غله هواي الردي , في هذه الزمان
وصاحب الغيره وضمير الحي
رخص
+
ما اتصير الكم بعد جاره وحلول
جمله وانكتبت على كل
الكصص
+
ربي , رب العزه , رب العالمين
تشل جميع اعضائه وتحط
بي مغص
+
كلمن اتسبب ابتمزيق العراق
ربي تبليه ابمرض ادز
وبرص
+