وجه المرايات
…
يانِقْمه
الطاحت اعله الناس
شياطين ونزلت بهمّه
منهه تعوذت بغداد
اُمْ تاريخ المْدَمّه.
ظلمه وساحت اعله الگاع
ذيچ الچانت النجمه.
وچانت گُمر ماينّاش
هسا الحالم يلزمه.
خِدْشو وجه المرايات
ثِلْمَو كل حسنها
وهتكو البسمه.
يانعمه وچفاها الليل
رَدْ امخضّب بحلمه.
طاف اعله الزمان خيال
تبارك رَتّل وعَمّه.
وصلْ يَمّه
أشّر عالخريطه اعراق
هاذه اعراق ابو اليمّه.
بعينك عينه..
خلها اتصير..
و انته البيدك الذمّه
بلچن تبعد الغمّة.
….
عبدالكريم صالح العامري
امريكا سياتل