صحوة
تعبتني الدنيا وانت
وانتظار اسنين عمري
قلي هم هذا انكتبلي؟!
اشتري من ايوب صبري؟!
اشقد نطرتك
كل مفاهيم المحبه وانت تدري
اشقد شلت قبلك اهموم
وضيعت كل السنين
بين ادري وبين مدري
وانته سباحة عنب
ضيعت عنقودهه بغفلة الليل
وحطته بكف المثل طاق الرحه
ويقلله اعصري
وانت انت انت عمري
يالبعت لجلك اسنين العمر
ياحلم كل العيون
يافرح كل الطيور الخايفه
وتقلهه اهجري؟!
ياموعد محبه؟!
طرز اثيابي بترافه
وانشر عطري
اه ياماي العطش بيه وجفيتك
خفت اضوقن ماي غيرك
يوم بيه السافرت
من قتلي انطري
قلي شنطر؟!
واحنه صرنه
لعبة الشطرنج اعله لوحه
كش ملك والباقي تدري
مااريد اشرح الباقي؟!
الباقي محفور بلقلب
وبضلوعي حفري
وانه وانت والزمان المر علينه
بس تعب وجروح بينه
وهم طفح فوق الوجوه
وكم وجه من همه مبري
وانه احس الوجع بيه
وخانق انفاسي وحفظتك
ياوعد عروقي تجري
قلي هم ايوب
شاف الي شفته منك يازمان
قلي هم فارق حبيبه
ودمع عينه على خده
اسنين يجري
اه ياكاس الشربته
من مرارة طعمه بكى اعيوني دم
وقلهه امطري
وهااااي دنيانه الغريبه
يالقلت باول محبه
انت عمري انت عمري
سلام المهندس
تنويه: جميع المقالات المنشورة تمثل رأي كتابها فقط