أبوذيّات متنوعة

أبوذيّات متنوعة
د. حسن كاظم محمد
تْـوكّـل وِالأَمُر يَم رَحـمَة اللَـه
ورِيـد الْحاح مِـنّك چِلمَةْ إلَّه (إلّا)
قامُوسَك شيل مِن عِـنده لَعـلّ
تِمشِيه بْصحـارَه تِلگه مَـيّه
،،،،،،،
تِهْـت وْدوهَـنِت گُلّي شِـجانَه ؟
نِسيتْ شْوَكِت حُبي مَرّه جاَنَه
أَبـقه اْسأَل ودَوّر قُـرُب چاَنَه (الصين)
حَـتّه حْسِبْهه لَكْ باِلحِلم جَيّه
،،،،،،،،،
خَيرِ تِّعْمَله تِنِتْج مَحبّه وْشوگ
شر تّعمله يِـنتج أذيّـة وشـوك
جرح الگلب لا تندس إله بشوك
تُـبْـقـه آثارَه كُـل وكـتَـك أذيّـه
،،،،،
لهيبِ اْلنار بالَـك لا تِـوَرْثَه
خَـوّفْني طفلْ وهْدومَه رَثَّه
أتـمنّـه أزوره ابّـيته ورثه (أرثيه)
تَرَه صَـبْركْ يَربِّي بي رَويّه
،،،،،،
إلـرِيّه تْـريد تِـتْـنَـفّـس هَواها
حَتّه تْعيش وتفْرَحْ في هَواها
موش بْكـيـفَـك تْجـاري هَـواها
النفس والروح ما ترغب مِنيّه
،،،،،،،
تاه العقل فَتْره لْگُمر ما مَر
أَذْرِف دَمِع وَالوَجْنات مَرمَر
بُقيت أحْلم وَقَدّم صَحَن گيمَر
وْخُبُز تَنّور ونِتْريّگ سِويّه
وإلى اللقاء

تنويه: جميع المقالات المنشورة تمثل رأي كتابها فقط
Read our Privacy Policy by clicking here