الأبوذيه/في التراث الحسيني
الدكتور حسن كاظم محمد.
أبـولأحـرار جَـدَّك أصِـل تَـرْباك
خَلگ مِن كُل جِنِس حَبَتَك تِرْباك
ناس أهْـوايَـه تِـتْـبرَّك بـْـتُرْباك
شِفِـت كَربَـله بْـذِكْرَىْ الْأَربعـينـيه
*******
مِشَت زينب وْصاحَت آنه وَحْدي
أراعـي الْضَعـَن وَحْـميهم وَحْدي
يـزيد بْـمَجْـلسه أوگَـف وَحَـدّي
دِريت حسين اِبِـن خَير الـبريه؟
*******
شِفْتِ لْظلم طَوَّل تالي وِنْهار
مَافاده نَصيحَت عَتَب وَنهار
إِجَه يـَومه شِفْتَه لَيلَه وِنهار
ضِاگِت ْدِنيتَه بِعْـينه لگَويه
******
أبـو فاضل إلَك وَگفَه ولكباس
وَگْـفت خَي لَخَيّه بْحُب ولكباس
صاح حْسين مِن شَمَّك ولكباس
وْيـاك وْجَـدَّي نِـتْلاگـه سِـويـه
*******
شِفْت بَعيني چَم دَوله وَعِدْلك
جَت مَشّايه تِهْتِف لك وَعَدْلك
گِـلْهَه مآمـنه بْنَهجَك وَعَدْلك
گِلْهَه صْيح تَعْساً لِلعـبوديه
*****
صارَت ثَورِتَك يَحْسين شاره
كُل مظلوم يَطْلُب مِنْهَه شاره
رَبّك يَومِ اْلَه من يِنطيءشاره
عَسير حْسابَه دِنْيَه وآخرويه
وإلى اللقاء.
Read our Privacy Policy by clicking here