أبوذيّات متنوعة

أبوذيّات متنوعة
د. حسن كاظم محمد
مِن شبّاچ لو جَـتْ عاصفه سِدّه
صديـق الشَـيـن لا تـقـترب سِدّه
لـو فاض المطر قَـوّي إلَه سَـدّه
تالـيهه الغـرگ ونـنـدم سِـويّـه
*****
عوف التعـب علّي بِـده داوي
ما مِـنّه بَخَـت بس ألـم داوي (بمعنى قلق)
وانه بَسْ عَـليّه اْجبر وداوي
وَدْعي ربّي يـوم يحِـن عَـليّه
*****
بْهـلْ دنيه شرق وغرب فَـرّيت
دخت ولوبحت وبْراسي فرّيـت
ما أيّـست عـن قِسمتي وفرّيت
نصيبي نْـكِـتب مِن رَبّ البريّه
*******
إذا لحاقد إجه بِـذنك وِشالك
گله يـومِ لَـك ربّـك وشالـك
بَلچـن شلل جا مره وشالك (بمعنى شلّك)
وكيح وعين إلك كلّش گِـويّه
*****
عـراق عراقـنه لْكُـل بي صِـله
من قديم الزمن جَذره بي صله
آنه من بابله وِنـته مـوصله
مي دجله وفرات نْكُع سويّه
*****
چَـم مَرّه إجه الحاقد وشاني
گِـتله عوفـني بْأمري وَشاني
آنه تحمّلت كل حملي عشاني
وِجه الحاقد بَعد مِن كل زويّه
وإلى اللقاء

تنويه: جميع المقالات المنشورة تمثل رأي كتابها فقط
Read our Privacy Policy by clicking here