أبوذيّات متنوعة

أبوذيّات متنوعة
د. حسن كاظم محمد
وَحَگ مَـن إنطه للقرآن مَنزِل
بُـقـه ثـابـت بلا تـبديل مِن زَل
بُـقـه دسـتـور مِـن ربّك مْنَزّل
ديـن اسلامنه مْـحـمّـد نـبـيّـه
*****
أَدِّبْ مِعْـتِدي بضَرْبَه مِن حَديد
صِير گول وْفِعِل وْشِدَّة حَد يِد (قوة يد)
مِـسَـن بيدي وَحِـدَّه وَيْ حَديد (آلة حد)
قَصاصَك عَدِل مِن رَبِّ لْبـريّه
*****
دومَـك حـذِر بالـك غَـدِر حَـيَّـه
إعْتَز بْـشرَف وِخْجَل وِلك حَيَه
بُـكْـرَه يْـوَدِّعَـك حادِيـك حَـيّـه
حَيّي عَـلْ صَلاه بَعْـد الـمـنيّه
******
نِصَحته هـواي ما فاده نهاراي
يبس زرعي وما نِفعـن نهاراي
بْـليل انطه وعَـد ينساه نهاراي
عَـنـيـد عـنودي ما بَـدّل سجيّه
*******
صِلة أرحام تربط خِـل وخِلّه
لْيعـمل خـير بَعـده أثـر خَـلّـه
عـمر ثاني إلك وِبْـدون خِلّه (خلل)
هاذي نِعمه مِـن ربّـك هـديّه
******
ذاكَ لْخِدَم ناسَه كِـسَب أنـْصار
ذاكَ لْشال خَشْمَه گلِي وَنَصار؟
لحْظَه لْدَهر سوّاه عِبر وْنُصّار
نَـدم مَـيفـيـد مِـن بَـعـد الرزيّه
وإلى اللقاء

تنويه: جميع المقالات المنشورة تمثل رأي كتابها فقط