دنيا ....
دنيا ....


بقلم: عبد الكريم صالح العامري - 24-03-2017

دنيا

٠٠٠
هي ياكمر

بَعْده مكّاني بّبالك

تمّشي بزّهو

من العب ويه خيالك

وتصافح ايدك لوغِبّت

تِحضّنهه وتكلّي هِمّت

بمحبّتك ذايب ولك

عود واِلّك كلّشي الك

لو غيري هادملي حلم

بطيّوفه تملي سّلالك

٠٠

ناسّيني لوذاك اِلّوَفي

تشعلني لو ِرّدت اَنطّفي

تتذكر اياّم البرّد

دارّيتك امدارّا الورّد

من صار كلّبي خَيمّتك

تتدفّه بيهه ب ْهَيِمّتك

محسّود حتّه من ِالنّفس

تتباها صايرّله شمس

انته بوهم هوَّ بعرّس

صعد النّبض

ِزفّه بنبض َدلاّلك

٠٠

هَي ياگمّر

بسّك تظل تتغاوه

جرّحي بغمّگ آهة محب

وِانّته بجرّح تتداوه

لمّيني يادنيه طيوف

وصوغّيني طشّوني حرّوف

چم عيد حضرّته الك

خنجر ّطلعلي هلالك

سَفّح ضِحكّتك

والفرّح منّي ِاسّتحى

بَسّك يكلّي ّشمالك

افترّيت ليل بصفّنته

مالَكْ اثرّ لا مْالَك

هي ياكمرنه شمالك

٠٠

عبد الكريم صالح العامري

اميركا پنسلڤينيا



Advertise on Sotaliraq.com? Click here for more information!

Copyright © 1998-2017 Sotaliraq.com - All rights reserved / جميـــع حقـوق الطبع والنشر محفوظة لصوت العراق
Home | News & Reports | Articles | Privacy Policy | Contact Us

Google