كلمة الحره عهد ....شعر شعبي
كلمة الحره عهد ....شعر شعبي |
بقلم: عبد الكريم صالح العامري - 17-04-2017 كلمة الحره عهد
٠٠٠
بنعم لو لا اجيبي
انته بس انته الحبيب
مو صعب هاذا السؤال
ولا تكليلي غريب
لاترك عندي
ولا عندي اختيار
امري محسوم ونهيته
امشي لو كلتي عله نار
يالله ردي
وطفي موجات اللهيب
كلبي مملي جروح
بس كولي تطيب
انته بس انته
بس انته الحبيب
٠٠
بسرعه ردي
والوقت جدا قصير
لا تغلطين بجوابچ
هاذه تقرير المصير
انه مثلج
بيه نار الاشتياق
بي خوف امنل النتيجه
لو تلاقي لو فراق
يالله كولي
واملي كل هاذ الفراغ
اختاري صح
ورفضي كل قسمه
ونصيب
ننجح لاخر عمرنه
والامل جدا قريب
كلبي مملي جروح
بس كولي تطيب
انته بس انته
بس انته الحبيب
٠٠
كلبي بيدك صار
لاتسال بعد
انه حره
وكلمة الحره عهد
كلبي كلي
وكلبي لايمكن يخيب
انته بس انته
بس انته
الحبيب
٠٠٠
عبد الكريم صالح العامري
اميركا پنسلڤينيا
|
Advertise on Sotaliraq.com? Click here for more information!
|
|
|
|
| | | 