بقلم: شعر / كريم سيد عبد -
04-04-2017 -١-
الناس تصعد جبل
وآنه روحي تتشلبه إعله حيطاني . .
أومداني
مو جنت بهدومي أدثر الليل من يرجف
وجيب الشط عله إحصاني . .
موجنت سجة درب للرايح إوجاي
ديوان
والدله ذرعاني . .
مو جنت مشحوف شايل بس وفه
كل روجه عشك
والنجمه أبد مانزلت من عله إلساني . .
شجاني كمت أشوف التيس طير
وصفكك للذيب
من ياكل إبخرفاني . .
شجاني كمت أمشي ويه الراك
وحط أيامي بزروف حيطاني . .
أومداني
أومداني
المطي يكودني
وزامط : فارس آنه وعبر سور بحصاني . .
أومداني
