عباله الليالي السود كسرني

عباله الليالي السود كسرني

عباس طريم
اريزونا
__
عباله    الليالي     السود   كسرني
لبس ثوب الشماته
وكاعد ايغني
+
اجاني ابوجه ,جنه ايكول حيل اوياك
واحجايات ذبهن, حيل
غثني
+
اجاني ومثل , شيطان الرجيم اتكول
بوجه اصفر , اوجنه اغراب
كابلني
+
صاحب, وانكلب من شاف ظهري انصاب
اصيحن ها يخوتي
ينتظر مني
+
ورساله رادهه , ابهذه الظرف والضيج
عله افراشي , ابحضور الناس
توصلني
+
يتمنه  انحنيله , وعركتي  البالراس
اذبهه احذاه ,واكله ادخيل
خلصني
+
عباله اشتكيله ,  من  الجرح   وانهار
وون امن المصاب , وينسمع
وني
+
ما  يدريني   متعود  , عله  الطكات
وافلام التلاعب بالزلم
فني
+
واعصابي ابثلج بالشمس متجمدات
والساني ابيميني وما فلت
مني
+
ومن ينفش عدوي ابريشه, بالغمات
اضحكله واكله : يالاغم
ثني
+
انصح وي صديجي , وحته لو خوان
هذه الطبع ثابت , من
صغر سني
+
اني  ابن الكرم , والصبر لجل الضيف
افرشنه , وينام اعليه
متهني
+
يظل الضيف ضيف , شما تعده وداس
ما دامه العتبتي , اعنايه
متعني
+
واظل خادم , واقدمله العسل كل يوم
ومن يخلص.. اقدم ذني
وذني
+
واتغاضه امن اشوف السم , حدر يمناه
يدفع بيه بيده , الحدي
ويدني
+
اسمعنه  يوشوش  ,  بذن هذه وذاك
وعد عيناك , اكله افلان
امرني
+
 
ما يفلت زمامي  , وحبلي امده اوياه
واظل ويه النذل , صابر
اومتأني
+
يسألني اعله حالي, وشنهي صار اوياي
وهو يدري الجرالي , وعمده
يسألني
+
ايريد  الناس  تعرف مني,  شنهي الصار
وعله ضوء السمع , ترجع
تعاملني
+
 
هملته واعرف ابصدره  ,   تفور  النار
وبناره يريد الاغم
يحركني
+
جنه  مندحر   من   حربه    بالميدان
وانه الداحره ابنص الحرب
جني
+
يظل البخت عالي , وبيته ما  ينطال
شما يهدم الباطل , يرجع
ويبني
+
ويظل    الخبيث  ,   ايباعد   الخوان
والطيب يظل بالوادم
ايدني
+
ويبقه اسم  الشهم  , خيال للزينات
يمد ايده , كبل لتكله
عاوني
+
ويظل  الردي , من اتكله كوم اوياي
ما يخجل ابد , من جلمة
الخلني
+
ظنيته  وفي , ويذكر عشرتي اوياه
طلع ماهو  اصيل ,وخاب
بي ظني
+
عباس طريم
Read our Privacy Policy by clicking here

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close