مو معقوله .. يا عراقيين!!!

مو معقوله .. يا عراقيين !!!
مؤيد حميد

بدون أية مقدمات .. لكم أيها الشعب ..

تركيا ولندن وباريس ومصر , مليانه بالعراقيين .. وأمريكا وكندا والمانيا , صارت كلها ملاذات أمنة للعراقيين .. وجورجيا وماليزيا وأندونيسيا أغلبهم سياح عراقيين .. ودبي والاردن , نصهم عراقيين .. والقوات العسكرية والامنية , كلهم عراقيين .. والمجاهدون في سوح الوغى , بالعراق وسوريا , والمتظاهرون في أرض الوطن , كلهم عراقيين .. وقوافل حمايات المسؤولين , عراقيين .. ومفخخات الارهاب التي تحصد يوميا العشرات بل والمئات من العراقيين .. والغريب أن نص المرضى الراقدين في مستشفيات الهند وأيران , عراقيين .. وطريق محمد القاسم , أزدحام .. وطريق الدورة السريع أزدحام , أزدحام , والطريق الدولي مال البصرة يخبل بالازدحام , وباب الشرجي صايره للظالين .. ومولات المنصور وشارع فلسطين مقبطات للبلعوم .. والشورجه صايره هريسه من البشر.. وتروح الى أبي نؤاس مختنكه بالازدحام .. وبغداد الجديدة والبياع ومدينة الصدر , الهوى خلص بيهن .. والتقديم على الكليات الاهلية , أزدحام .. والجامعات إنترست , وصارت بالواسطة .. وعيادات الاطباء بالسره , إزدحام .. والمطاعم , ألا بالحجز وكلها إزدحام .. ورحلات الخطوط الجوية الى أربيل , ماكو حجز , إزدحام .. والزوراء مليانه بالبشر .. والحشد الشعبي ترس الصحراء ترس , ويكولون أكو إحتياط بعد مرتين ..
أنريد الصدك : العراقيين كم مليون صاروا ……….ونطالب وزارة التخطيط , بأحصاء جديد , لمعرفة عدد سكان العراق , ما بعد داعش ..
ملحوظة : الصين أصبحوا اليوم مليار و400 مليون شخص .. بس ما شفناهم , ولا حس ولا خبر , وما نعرف منهم بس جاكي شان …………..الله يزيد ويبارك ……

تنويه: جميع المقالات المنشورة تمثل رأي كتابها فقط
Read our Privacy Policy by clicking here

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close