أنت الحنين
عبد صبري أبو ربيع
لو تحن وأنت الحنين
يا حنينك حنين الگاع للماي
وأنت الحنين لو ما تحن
تدري شيصير بدنياي
من بعدك ترتجف
كل چلاي
ياكلني الألم بهداي بهداي
لو ما تحن
تدري شيصير وياي
طير ومفارگ الماي
يا مر الدمع بالعين
عد ما ترتجف عيناي
أشوفك نجمه صبح
لو گمر ضواي
لو تحن وأنت الحنين
يا حنينك على ممشاك
تشتعل كل عضاي
أخافن عتب عذالي
لو صدودك وياي
بعد منهو اليمر بيه
ومنهو يداوي عضاي
منهو من أيده ترتوي
كل حشاي
يالنايم ولا تدري
حنيت بجروحي كل الورق
والشعر صار سلواي
يومن تمر
هلبت تطفي نار چلاي
وأگولن نعم
هذا حنين هواي
تنويه: جميع المقالات المنشورة تمثل رأي كتابها فقط