همس شمات
٠٠
عُمرّي بشّته بليل الشته
ولاعش بقى باغصاني
والثّلج غطه هامتي
اذّار انكضّه ونيساني
والاخضّر الضل بالسفح
هم الامس وَحْزاني
ماكلني ياحيف الصبخ
ارضه وغزت بستاني
هيمه ودليلي بس غدر
دگ. شاهده بعنواني
سنين ونباكت غفّل
بعُمري الخِسّر ميزاني
٠٠
شَحچّي غدرني الكلّب
يبخل عَلّي نبضّات
يسكت وَكولن طفّه
ويهمس همس شمّات
بيدي يكلّي النِّفس
حاسَبني عالسّاعات
دكّاته مثل الوكت
كَلبي شيدگ دَكّات
٠٠
بدموم غرّكني امس
فيّض سواجي الذّات
ردّني لرّبيع العمر
عوّضني عن الفات
فرّحني مرّه بهل عُمّر
بالفرّحه سكته ومات
مثل دگات الوكت
كلبي شيدگ دكّات
٠٠
َالروح صبخه اصبحت
وعيوني بلا ضوه
سد عنهه جاري الطّيف
من عدهه عيب ارتوى
حاضّن الكتّال حسّبالك دوه
يصرخ الدفّان ادفنكم سوه ؟
لا يادوه لايادوه !
ضاع وخَذّنه الحسّبات
هم مثل دگّات الوكت
گلبي شيدگ دكات
دگ النذل دگات
عبد الكريم صالح العامري
اميركا پنسلڤينيا
تنويه: جميع المقالات المنشورة تمثل رأي كتابها فقط