رجل زهقان

مافيش دخل ولا مكاسب ومين اللى له أحاسب عايزين حل مناسب وأنا اللى ها بتحاسب أصاد عيالى،دايما أحس أنى مشنوق بديون وأنتم عارفين العيال على القلب ما بتهون
العيل يبقى نفسه فى حاجه وما مقدرش أجيبها،ومافيش أصلا دخل يكفى حتى عيل،الموظف بتزيد مهيته والحكومه عارفه قضيته وبتحاول تزيد مهيته
واللى ما لهش شغل تبقى هاتضيع سكته.لو أخدت قرض لازم فوائد
ولما أشتغل بالقرض أشتغل أسدد القرض والفايده ،المفروض أشتغل أصرف على عيالى ومطالب العيال كل يوم بتزيد وكل يوم طلب جديد غير الأكل والمرض واللبس،وياعالم هايكون فيه مكاسب من الشغل لما أقترض مبلغ،يا ربى أكسب من الشغل بفلوس القرض،آه يا خوفى أخاف آخرتها أتسجن بفلوس القرض لما ما أقدرش أسددها
نظره لينا يارب برحمه، بأتمنى نصيبنا فى الدنيا الزحمه،حياه لينا كريمه أنا عايز أكل وأشرب ،والعيال عايزه الفقر يهرب،ونفسنا الخير يقرب
جدران حياتى تنهار من فقر الحال فى الليل والنهار لأن لى عيال بتشوف اللى عند الناس ولهم طلباتهم ويطالبوا بها فى الحال وأنا يا ربى أحتاس،وأنا ضرسى بيألمنى والحشو بيكلفنى فلوس ياما آه خلع الضرس بيكلفنى فوق طاقتى،والشتاء يهجم علينا محتاجين غطا يدفى العيال بطانينه وأدويه للكحه ونزلات البرد وجع البطن وإرتفاع لحراره،وأنا وأمهم نتحمل المرض والسعال من غير أدويه ونجى على صحتنا والولد أو البنت ينام جسمه نار من إرتفاع حراره جسمه ومرضه ونعطى له مضاد حيوى لو قدرنا نشتريه ويمكن نستلف ثمنه،ولا قادرين نشترى أرز للعيال زهقوا من أكل العيش،غير مصاريف المدارس والدروس ومصروف العيال وخما رايحين للمدرسه،والصيف يهل محتاجين ملابس للعيال ونفسهم يروحوا يصيفوا والمصيف محتاج مصاريف،وأخرج من البيت أدور هنا وهناك،لو قعدت على القهوه تكلفنى فلوس البيت أولى بها،واللى يجى وأنا قاعد على القهوه لابد أعزم عليه بمشروب،وأمر من أصاد البقال والسماك والفكهانى عليه لكل واحد منهم مبلغ وقدره من الجنيهات،وأشوف الحاجه بعنيه ولا أقدر أشتريها وأمشى شايل همى من سكات، مع إن العيال نفسهم الفاكهه واللحوم والخضار واللانشون والجبن الرومى وصنادل وأحذيه وبنطلونات وفساتين وزيوت للشعر وكريمات والأدويه وأكل تلات وجبات فى اليوم،والعصيروالشاى،يا مغيث يارب أغيثنا
هانم داود

تنويه: جميع المقالات المنشورة تمثل رأي كتابها فقط
Read our Privacy Policy by clicking here

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close