المتظاهرين اهديها -3-
ميسون نعيم الرومي
ثورتنه ثوره شعبيه
لا سنيه اولا شيعيه
***
إذا اليوم الشعب ماحقق اهدافه
قريب اوينتفض واتثور اطيافه
***
فرق بين الحقوق اوبين اهدافك
الك كل الحقوق اوخير ثرواتك
***
منهج والقياده انريد للثوره
من هذا الشعب وابنخبه متنوره
***
المفروض كل حاكم شريف اويخدم ابشعبه
مو ينهب ثروته .. وامن الخمس نسبه
***
الثوره دوم اتدوم ماتخمد ابيوم
مو بردي اويگب واتزيد الهموم
***
(من ألفين واتلاثه) والشعب يعلف..
على هاذي الحكومه اوحلگ بس يلغف
***
يعبادي يالچذاب والوجه وجهين
يالكاتل الشبان..تاليهه ليوين؟
***
هذا مصيرك بان .. روح اقره تاريخ
الحكم ذمـَّـه اودين مو أكل بطيخ
***
احزاب السياسه اليوم مشغوله
بالكيكه الهمش..والناس مكتوله
***
يادم العراقي الرخص رخص المي
احكومتنا الطغت و(اخرعلاج الكي)
***
جوْعـَـتنـَه الحكومه اوعلمتنه الذل
اليحكم ظلم … ينهزم لويختل
***
چم حفره تلم ياجوگة السراق؟
ليغركم الكرسي! اعراقنه ..اعراق
———————————–
17/تموز/20018
ســــــــــــتوكهولم
تنويه: جميع المقالات المنشورة تمثل رأي كتابها فقط