“بالفيديو” مواكب الكاظمية المقدسة تشجب الصفقات المشبوهة بين الكتل السياسية وشراء المناصب.

مواكب احياء ذكرى عاشوراء في مدينة الكاظمية المقدسة وعلى خطى السبط الشهيد الامام الحسين(ع)، ترفع شعارات الرفض والشجب للسلوكيات والصفقات المشبوهة التي تجري بين الكتل السياسية من شراء المناصب ورفض كل ما تنتجه الانتخابات المزورة، كما ترفض اقبح اشكال المحاصصة الطائفية والفساد المستشري نتيجة المال الحرام الذي سرق من اموال الشعب العراقي الممتحن.

ردات هيئة مواكب شباب الخالصي ليوم السادس من شهر محرم الحرام 1440هـ من نظم شاعر الكاظمية المقدسة الشيخ صادق الشيخ كريم الكاظمي:

ما صح مثيلك يا وطن من دون الاوطان

نهرين عندك جاريه وتاليها عطشان

زمرة يزيد الفاسدة حكمتنه

ثورة حسين عاللظلم ثورتنه

الله اكبر …الله اكبر

***

بيع المناصب بالوطن صار بمزادات

واليدفع اكثر يستلم كرسي الرئاسات

هاي الحقيقة الواضحة بدولتنة

ثورة حسين عالظلم ثورتنه

الله اكبر الله اكبر

***

للبصرة جودك يا كمر مليان اخذناه

وروينه كل ضامي وعذب مايك شربناه

عباس بسمك تستمر خوتنة

ثورة حسين عالظلم ثورتنه

الله اكبر الله اكبر

***

بالخوة ماخذ هالشعب دورك يعباس

وبالبصرة طف اتجدد وما قصرت الناس

نروي العطاشى يا بطل غايتنة

ثورة حسين عالظلم ثورتنه

الله اكبر …الله اكبر

***

أحزاب كامت تتفق وترأس أطفال

بالغدر عدهم موهبة وتهريب الاموال

سوء الادارة البحكم دمرتنة

ثورة حسين عاللظلم ثورتنه

الله اكبر الله اكبر

تنويه: جميع المقالات المنشورة تمثل رأي كتابها فقط
,
Read our Privacy Policy by clicking here