انا وصديقي مناتي الشرير

انا وصديقي مناتي الشرير
عباس طريم
اريزونا
__
اجه امناتي وكعد , يشكيلي ضيمه
ظل يلطم ويقرالي
اليتيمه
+
وكال : ارد اشرد امن الناس ياخوي
وما اسكن مدينه
اسكن ابهيمه
+
اخوي الحكلي , ما ظل فلس بالبيت
واجيت الباب بيتك يبو
الشيمه

+
اوختمهه اوكال : اظل جندوب مهلوس
هضيمه اوروح ابوي
اكبر هضيمه
+
صديقي امناتي , داوي اوطاكه افلاس
واجاني ايعيدلي بقصته
القديمه
+
اخذته اوياي , للمطعم اداويه
وصحت واحد نفر
تمن اوقيمه
+
ومناتي صرخ : لا بويه ارجوك
حط فوك المرك
وذرة لحيمه
+
امناتي , ايريد ياخذ مني افلوس
ومثل كل مره
بالمطعم عزيمه
+
وكال , امن اشتغل , كل حكك ايعود
وحلفلي ابروح والدته
حليمه
+
وكبلهه ابروح ابوه , اقسملي مرتين
ومرتين اباسم عمته
نديمه
+
ولهذه اليوم , ما رد ولا دينار
وليذكره يحصله
شتيمه
+
اليكله الدين وين , ايكله يادين
انقلع لا ارتكب بيكم
جريمه
+
عباد الله , كلهم صاحو الغوث
من امناتي وافعاله
الذميمه
+
+

يقره الفاتحه .. اليطيه افليسات
ما ترجع واحك
عمته نسيمه
+
امناتي , المايدينه ايشبعه دفرات
وبعد الكتل , يرميله
التهيمه
+
يسأل عالفواتح , ياهو المات
ويطب ابلا عرف لو
شاف خيمه
+
واتشوفه ابكل عرس , من دون انذار
ما يحتاج لمناتي
عزيمه
+
ايحب اللحم , ويقدر التشريب
وتلكاه كاعد ابنص
كل وليمه
+
ما يتفاهم الاخ , ايده والبوكس
ومناقشته نتيجتهه
عقيمه
+
وامي من تذكره , اتكول بايجاز
[يمه ايروح فدوه
للبهيمه ]
+
+
كل جيرانه , شردو من بلاويه
وتركت بيتهه وشلعت
رحيمه
+
الكله , البوكس , والدفره , والطراك
طريقه ايشوفه ابرايه
حكيمه
+
اوتتناسب , مع الجيران والناس
واتزيده احترام , اوبعد
قيمه
+
الغريبه , الناس كلهه اتسلم اعليه
واتقدر انجازاته
العظيمه
+
استلمني وكعد يصبغ بيه ساعات
ويذكرني ابعلاقتنه
الحميمه
+
كريم , ايكلي ابوك ومنصف اوياوي
وعن امي يكول
شكد كريمه
+
ويكول : الرسول الاعظم ايكول
اليدين الناس منزلته
عظيمه
+
واليردهم , حرام ابشرع الاسلام
والله ايعاقبه , ايذبه
ابجحيمه
+
بس ميكول : عن عادة التقفيص
عد كل الخلك , عاده
ذميمه
+
+
قوي امناتي , اليطكه يفصخه تفصيخ
ويحط بيه عاهه
مستديمه
+
مثل الثور هايج , ماله رداد
وامه امعذربه واكبر
لئيمه
+
تجي لكل فاتحه , ام امناتي متكوم
من اول يوم للثالث
مقيمه
+

+
امناتي الما ايدينه , ايشبعه دفرات
وبعد الكتل , يرميله
التهيمه
+
وما تنفع اوياه الشرده , ياناس
ولا اتحل مشكله اوياه
الهزيمه
+
ومن يحتاج بس , ايدك عله الباب
ويذكرني بعلاقتنه
الحميمه
+
انه ادري ابصديقي امناتي , جذاب
واذا كتله اعتذر
اصبح غريمه
+
وما اسلم , كتلتي اتصير مفروغ
منهه, ويعتبر بيتي
غنيمه

+
غلطه وكتله مره , شصار بالدين
وكال الدين شنهي
يافهيمه
+
+
كسر فجي , اونمت بالبيت شهرين
واجاني ايكول , هاخويه
سليمه
+
خفت منه يطكني , وهوه بالبيت
لهل البيت ما يعرف

حشيمه
+
صبغني , وردت اكله اعذرني افلاس
وخفت يطيني بالفج
مسقيمه
+
من خوفي , كلتله ادلل اوصار
Hide original message
ردة اتجنب الكتله
القديمه
+
انطيته العدي , والما عدي بالبيت
وبكلبي, نعلت امه
صخيمه
+
ابصراحه , من العكل والمنطق انطيه
اذا عيني ردتهه اتظل
سليمه
+
ومثل كل مره كال : افلوسك اتعود
وروح اجميغ وزهره
وسليمه

Read our Privacy Policy by clicking here

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close