يا .. تـشــريـن ..!

يا .. تـشــريـن ..!
ميسون نعيم الرومي

من حرب الحرب دارت واجت لسنين
چنهم ورد شبان..رادوا وطن مذبوحين
يا .. تشرين
يا اسم الشهيد العالي وي لنجوم
يلمع بالسمه وايضوي بالعينين
يا .. تشرين
أُمنه امحسره بس تبچي دوم اتنوح
اتربي بالولد .. للموت منذورين
يا .. تشرين
ثروات امتلتله والخير، ما ينعد
نمشي اعله الذهب .. واطفال جوعانين
يا .. تشرين
خوف اورعب ضيم اوحزن ترويع
موت اومهانه اوكتل .. وايتام مذلولين
يا .. تشرين
شعب الحضاره والعلم شعب الخير
من مجرم اوسفاح ، سافل ، ذيل محكومين
يا .. تشرين
سجون اوكتل تعذيب جوع اوبطاله
أميه اومرض لا كهربه اولا مدرسه
لاشارع لامشفى لاخدمات .. منهوبين
يا .. تشرين
ابغفله امن الزمن لملوم جانه امنين
باعوْ واشتروا والشعب منكوبين
يا .. تشرين
الملحه تربي اوتزف للموت بالشبان
واولاد الحرامي اليوم (بوربا) متنعمين
يا .. تشرين
جيران الغزتنه .. امكـَوْشه ع الثروات
امكيف (حضرتك) تلعب اعله الحبلين ؟
خداعين …
تدري (دولتك) والچذب حبله اگصير
ماخذ بالعراق اوگلي رايح وين؟
دجالين …
قرّر بالعجل ! من الدول اطلب عون
بس امن اللعب .. ملينه يا شينين
چذابين
لو تنتصر .. وايخلدك التاريخ
محد يرحمك ! واتروح بالرجلين
يمغلسين
يا ثورة شـَـعـَـب .. والقائد الشبان
صاح الشعب كل الشعب منصور يا تشرين
يا .. تشرين
يا دم الشباب انذبحوا ابهاذا اليوم
وآلاف اتعوقت والأهل مسبيين
يا..تشرين
كتال الشباب امكيف او بالخضراء
امبربع منتشي .. باحزاب محميين
يا..تشرين
يوم القريب اوهالاجه روحوا اقروا بالتاريخ
النصر للشعب .. والخزي والعار للباغين
يا.. تشرين
فاليحيا العراق او يحيا هذا اليوم
اسمك بالسمه .. مكتوب يا..تشرين
يا .. تشرين
——————————————————–
ســــــــــــــــــــــتوكهولم
1/ تشرين الأول(اكتوبر)/2020

تنويه: جميع المقالات المنشورة تمثل رأي كتابها فقط
Read our Privacy Policy by clicking here

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close