إعـمل لْدِنيتَك

إعـمل لْدِنيتَك
د. حسن كاظم محمد
إعْمل لْدِنيتَك چَنْ عُمرك طويل
وِشْـتغـل للآخْـره قَـبل الْرَحِيل
أبَـد لا تِكـتئب بَـس زَيْـدِ الأمَـل
وِبتِعِد عَـن ْالزَلَـل مالـه كَـفـيل
وبتعد عن الكذب عوف الـفِـتَن
وِ شْكُر الله هـوَّه مِن نِعمَ لوَكِيل
***
لـو رِدِت تِحْچي كَلام بْمعْـرفَـه
هَـذّب لْسانك وناقـش بالـدليـل
الفُقر ثوره عِبر تاريـخ الـدول
الْـفقر حَدّه لو وِصل شَرُّ وَبـيل
***
كل وعاءِ يضيق بِلّي يحتـويـه
بَس وعاء الـعلم يبقه بْلا مَثيل
گال أبو الحسنين حِكمه خالـده
غرّي غيري لْمغرياتچ ما أميل
طلّـقـتْ دنياي وَعـرفها بْـزوال
وًنـتـظـر للآخْـره يـوم الـجَميل
***
إترُك لْهَم وستـفِـيـد مْن لـفُـرص
الْهَم صعُـب تتحمّله كُلّش ثـگيل
لا تْـفكـّـر بـالْـمُضه لْـماله رِجـه
عيش يَـومَك لا تِگلِّي مُستحِيـل
مـال لَيغُــرَّك وَلا تْـراهِـن عَـلَيه
شِفِت چَم تاجِ نْهِدَم فاشِل رَزِيل
إسهـر بـليلة قَـدِر بـيـهه الأجِـر
تِنفِتح لَـك بابْ توبه مْن الجليـل
صِحِّتَك تاج عْـلَ راسَك مِن ذهب
يِحفَـظَـك رَبيَّ جِـيلاً بَـعـدَ جـيـل
***
كَثِّر اعْـوانَك مِثِل غصْنِ الْتَرِف
كُلّـما يِـذبَـل غـصِن وَرَّد بَـدِيـل
خَـلْ أنَبْهَـك وَين نَمْرودِ نْـتِهـه
داخَ مِن ذِبَّانَه وِتْـحَـوَّل عَـلـيـل
وإلى اللقاء

تنويه: جميع المقالات المنشورة تمثل رأي كتابها فقط