يمه الوطن
عبد صبري ابو ربيع – العراق
يمه الوطن يمه
شال المحن يمه
وليدي وين اضمه
الفگر ماكل جسمه
وخير البلد يمه
بيد الما يرحم حتة امه
يمه الوطن يمه
تره عايش بدمه
غمه وألف غمه
للما يعرف اسمه
وخير البلد يمه
بجيوب اليحكمه
صرنه لكل الدول نعمه
وشعبنه بالضيم عايش يمه
غريب ويحكم بسمه
والشعب لا دستور اليلمه
ولا من يبني بس يهدمه
خلصن سوالفنه بليلة ظلمه
وناموا ولا كلمه التهز الظلم يمه
يمه تفرقنه يمه
واحدهم يموت والثاني يسلمه
ما جنه بهذا الشكل يمه
الاجنبي سواهه والجهل يدعمه
يمه اني عراقي وابن امه
ما يوم اخون الوطن واسلمه
اموتن على الحد والخاين اغمه
تنويه: جميع المقالات المنشورة تمثل رأي كتابها فقط