قصيدة / سرقة القرن

قصيدة / سرقة القرن
د. حسن كاظم محمد
ما صَدِّگ شَمِس مُنْخُل يِغَـطِّيهه
وَلا نورِ الْحَقيقه لْظُلمَه تِخْفـيهه
مَيْفيدِ اْلوَعِظْ ما يِشْفي لَـك عِـلَّه
طَـبيبَـك يِنفَعَـك وِلْعِـلّه يِشْـفيهه
چِلِمْةِ الحق لازم تمشي وتسود
گُـول وْفِـعِـل وِتْعَـمُّـق مَعانِـيهه
****
تْغَـزَّل بِالْشَمِس وِلْگُمَر وِتْخَـيّل
ما فَـكَّر سِمَه غَيم وْرَعَـد بِـيهه
نِصَحْتَك حَطَب فوگِ النار لَتْزيِّد
وْرمادِ الْـفِـتَن يـومِيّه تِـحْييهه
يِجي يومَك تِگَع ما مِنَّك تْگوم
تِخسَر دِنـيتَك وِالرُگـبه لاوِيهه
بْـتِعِد عَنِ الْچِذِب چَم مرّه حَذّرْتك
لِأن حَبلِ الْچِذب يِنگطِع تاليهه
****
شِفِـتهه للفَراشه تْدور عَالنار
لَهَب وَيَّاهه وِلشَمعه تِناغـيهه
لحظه وْتِحترگ مِن لَهبَة النار
حياة بْهَلْ مَذلّه شْجابَك عْليهه
بْحياتَك لا تْغـامِر يِجي يومَـك
وْجَهنّم نارهه لا تِنسه طاريهه
خَلّي أنْصَحَك نار لْتِصَل يَـمَّـك
تصل للغير وِلنيران تِچـويهه
جوز مْن الفِتن وِلحقد وِتْوكّل
على الله وْنِيّتَـك لازم تِصَفّـيهه
****
ألِفْ وَسْفَه صارِ الْبوگ عادَه
شَغلَه عاَلَميَّه الْناس تِـهْويهه
لَمَّـن گالَو الْعالم صُبَح قَـرْيَه
سَهْلَه قَريَه مِنِ يْبوگ راعِيهه ؟
گـالِ المَثَـل حاميهه حَراميهه
بَوگة قِرِن، كُلِّ الناس تِروِيهه
****
إلْعِلِم يِرفَع مَجِـد وِيْقِّدم الأمَّه
ذولَه اْهلِ العِلم بِالقِمَّه خَلِّيهه
لو فِتّ بْدَرُب ما مِطْمِئن مِنَّه
عَوفَه وْعَگرَبَه وْحَيَّه تِشاقيهه
سَاسَةْ كُل بَلَدْ سَـيِّسهم بْگُـفّه
ضِدِ الْروج وِتْمَعَّن بْمَاضيهه
مَسْدودِ الدَرُب لَـتكَرِّرِ الْمَشْيه
عَيب تْگول أَجَرُّب مَرَّه ثَانِيهه
وإلى اللقاء

تنويه: جميع المقالات المنشورة تمثل رأي كتابها فقط
Read our Privacy Policy by clicking here