عيد
الى الذين ينظرون الى الشمس قرص رغيف
1
ما مش عيد
لأن سيف الحروب الجاي من ابعيد
كطع زند اليتامى الفرحت ويه العيد
يا دم المطر شتريد؟
لا مصقول..لاجكليت ..
لا اكلادة فرح يتباهه ابيهه الجيد
غفى شط اليتامى ابوسط نار الموت
تضحك شوغته امن اتزيد
لبس روحه مضيف اوخانته الدلات
والمعاتب بعد شيفيد
يا عار السنين الشالته الحكام
يا ضحك الوجع يا عيد
2
الريح
1
انا
ما ذلني الوكت
حتى اذل
هم شفت
نجمة اسهيل بلا ضوه
هيه فوك الغيم تشرك
ما تمل
عزه ومكابر
تواشكهن سوه
2
الريح ماتكدر
تدور
ويه اليدور
……… بس تدور
ويه اليحب دورة الريح
لا تظن
كلمن يون كلبه جريح
الجرح
بين اعيونا
ابسكته يصيح
ناصر الثعالبي