قصيدة / رفيق السفَـر

قصيدة / رفيق السفَـر
د. حسن كاظم محمد
صديقك لو نويت السَفَـر مَرّه
لازم تِـقْـبَـله بْحِـلـوِته وْمُـرّه
لو مال الحِمل ويريد عونَـك
عِينَه بْكُل مَودَّه وكُل مَسَـرَّه
وِذا بِالعوز ما قَـدَّر ظروفَـك
عوفًه من بِعِـد وِتچَـفَّه شَـرَّه
تِدْري بِالسَـفَر يِتوَضَّح الـلون
وِالحُـر يِنكِشِف وِلْبي مَضَرَّه
****
مْجَرَّب لا تِجَربَه إلَه مَوقِف
وأوَّل ما بِـداهَه كِسَر جَرَّه
تِعَدَّه ونِهَب أَمْوال الرَعِـيَّه
يِجي يومَه يِگع ويجرله حَسره
يومِ الْيجي روجِ الماي عالي
اليِبني عَل رَمُل يِنكشف سِرَّه
گِلت خَلّيني شوفَه بْوجَه آخر
وَعيد النَظر وَتحَمَّلَ وگَـدْرَه
طِلَع مَيفيد للموخوش أصْلَه
رابي عَلْ أذيَّه وْعندَه شَمرَه
****
تِعْـمل خير وَجهك دوم أبيض
راضي بْدنـيتَك وِلـجـاي اعُـْبرَه
وِخِذ مِن الْسفَر خِبرَه وْتأنِّي
وِختار اليفهمك واللي تِقَدْره
وإلى اللقاء

تنويه: جميع المقالات المنشورة تمثل رأي كتابها فقط